പൊട്ടിപ്പൊളിഞ്ഞതാണിന്നും തറ,ചുവരുകള്
തലമുറകളോടിക്കളിച്ച വരാന്തകള് !
നൂറ്റാണ്ടു കല്ലേറു കൊണ്ടേ കൊഴിപ്പിച്ച
മൂവാണ്ടന് മാവിന്നു കാലത്തിന് സാക്ഷിപോല്
പൂര്വ്വവിദ്യാര്ഥിയായിന്നു ഞാനെത്തവേ
വാടിയിട്ടില്ലെന്നുമുള്ളിലെയോര്മ്മകള് !
കമ്പിതനേത്രനായന്നു ഞാനച്ചന്റെ
കൈപിടിച്ചാദ്യം കടന്ന വിദ്യാലയം
ഇവിടെ വെണ്ചുമരില് കരിക്കട്ടയാല് കോറി-
വരച്ചിട്ട പേരുകളിലെവിടെയെന് നാമം ?
ഒരു ഹൃദയ ചിഹ്ന്നത്തിനിരുപുറവുമായി ഞാ-
നൊളിപ്പിച്ചു നിര്ത്തിയൊറ്റക്ഷര പെണ്കൊടി ?
പുസ്തകത്താളുകളിലായിരം പീലികള്
ചുട്ട പുളിങ്കുരു പ്രണയോപഹാരമായ്
ചൂരല്പ്പഴത്തിന്റെ കൈപിനാല് വാടിയൊ-
രാദ്യാനുരാഗമോ നീറുന്നൊരോര്മ്മയായ്
ഇവിടെ,യടുക്കള യുച്ചനേരങ്ങളില്
ചെറുപയറു കാച്ചുന്ന കാറ്റിന്റെ വാസന
വരിയായി ഞാനെന്റെ കൂട്ടരുമൊന്നിച്ചു
ചെറു ചൂടുപാത്രം നിറച്ചു പോന്നുള്ളിടം
ഇവിടെയാണസ്സംബ്ലി മുറ്റം ,നാം ഭാരത-
സോദരരെന്നേ പ്രതിജ്ഞ ചൊല്ലുന്നിടം
വെയില് ,വാടി വീഴുന്ന നീലക്കുരുന്നുകള്,
വെണ്മണല്പ്പാടുകളിലെവിടെയെന് കാല്പ്പാട്?
ഇവിടെയീ സ്റ്റേജിലായ് വീശുന്ന കാറ്റിന്റെ
മൂളലില് കേള്ക്കുന്നൊരായിരം പാട്ടുകള്
പൂര്വ്വവിദ്യാര്ഥിയായിന്നു ഞാന് നില്ക്കവേ
വാടിയിട്ടില്ലെന്നുമുള്ളിലെയോര്മ്മകള് !
തലമുറകളോടിക്കളിച്ച വരാന്തകള് !
നൂറ്റാണ്ടു കല്ലേറു കൊണ്ടേ കൊഴിപ്പിച്ച
മൂവാണ്ടന് മാവിന്നു കാലത്തിന് സാക്ഷിപോല്
പൂര്വ്വവിദ്യാര്ഥിയായിന്നു ഞാനെത്തവേ
വാടിയിട്ടില്ലെന്നുമുള്ളിലെയോര്മ്മകള് !
കമ്പിതനേത്രനായന്നു ഞാനച്ചന്റെ
കൈപിടിച്ചാദ്യം കടന്ന വിദ്യാലയം
ഇവിടെ വെണ്ചുമരില് കരിക്കട്ടയാല് കോറി-
വരച്ചിട്ട പേരുകളിലെവിടെയെന് നാമം ?
ഒരു ഹൃദയ ചിഹ്ന്നത്തിനിരുപുറവുമായി ഞാ-
നൊളിപ്പിച്ചു നിര്ത്തിയൊറ്റക്ഷര പെണ്കൊടി ?
പുസ്തകത്താളുകളിലായിരം പീലികള്
ചുട്ട പുളിങ്കുരു പ്രണയോപഹാരമായ്
ചൂരല്പ്പഴത്തിന്റെ കൈപിനാല് വാടിയൊ-
രാദ്യാനുരാഗമോ നീറുന്നൊരോര്മ്മയായ്
ഇവിടെ,യടുക്കള യുച്ചനേരങ്ങളില്
ചെറുപയറു കാച്ചുന്ന കാറ്റിന്റെ വാസന
വരിയായി ഞാനെന്റെ കൂട്ടരുമൊന്നിച്ചു
ചെറു ചൂടുപാത്രം നിറച്ചു പോന്നുള്ളിടം
ഇവിടെയാണസ്സംബ്ലി മുറ്റം ,നാം ഭാരത-
സോദരരെന്നേ പ്രതിജ്ഞ ചൊല്ലുന്നിടം
വെയില് ,വാടി വീഴുന്ന നീലക്കുരുന്നുകള്,
വെണ്മണല്പ്പാടുകളിലെവിടെയെന് കാല്പ്പാട്?
ഇവിടെയീ സ്റ്റേജിലായ് വീശുന്ന കാറ്റിന്റെ
മൂളലില് കേള്ക്കുന്നൊരായിരം പാട്ടുകള്
പൂര്വ്വവിദ്യാര്ഥിയായിന്നു ഞാന് നില്ക്കവേ
വാടിയിട്ടില്ലെന്നുമുള്ളിലെയോര്മ്മകള് !
No comments:
Post a Comment