വെറുതെ കടലു മാത്രം
കണ്ടാല്‍ പോര .
കടല്‍ നീല
വെറുമൊരു നീല നിറ-
മല്ലെന്നറിയണം.
കാറ്റിന്റെ ഉപ്പുനനവ്
രുചിച്ചറിയണം .
കടല്‍ക്കാക്കകളുടെ
വെളുപ്പും തുടുപ്പും
ചാഞ്ചാട്ടവുമറിയണം .
ഡോള്‍ഫിനുകള്‍
ഒരിടത്തുമുങ്ങി
മറ്റൊരിടത്തു
പൊങ്ങുന്നതി-
ന്നര്‍ത്ഥമറിയണം .
ഞണ്ടുകള്‍
പുറകോട്ടു പോ -
യോടിയൊളിക്കുന്നത്
എന്തിനെന്നറിയണം.
മണല്ക്കൊട്ടാരങ്ങളുടെ
അല്പായുസ്സു
തൊട്ടറിയണം .
ശംഖുകളിലെ
കടലിരമ്പം
കാതോര്‍ത്തറിയണം.
അസ്തമയ സൂര്യന്‍
നിറക്കൂട്ടു ചാലിച്ചു
പടര്‍ത്തുന്നതറിയണം .
കടലു കാണാന്‍ പോയാല്‍
വെറുതെ കടലു മാത്രം
കണ്ടാല്‍ പോര .....
ആര്‍ത്തലച്ചു വന്നിട്ടും
പിന്തിരിയേണ്ടി വരുന്ന
തിരകളുടെ
സ്നേഹനിസ്സഹായത
ആദ്യമറിയണം .
ശോ ..ഇതൊക്കെ അറിയാതെയാ ഞാന്‍ ഇതുവരെ കടലു കണ്ടത്..... :)
ReplyDeleteനന്നായിട്ടുണ്ട് കവിത...